२ असार, काठमाडौं । अब सेवाग्राहीले चाहेकै मेसिन रिडेबल पासपोर्ट (एमआरपी) एकै दिनमा लिन सकिने भएको छ । यसका लागि १५ हजार रूपैयाँ लाग्नेछ ।
मन्त्रिपरिषदको बिहीबारको बैठकले आकस्मिक रुपमा द्रुतमार्गबाट राहदानी लिन अतिरिक्त दस्तुर तोकिएको छ । यसमा आवेदन प्राप्त भएको २४ घन्टाभित्र सेवा पाउन १५ हजार, दुई दिनभित्रका लागि १२ हजार, तीन दिनभित्रका लागि १० हजार रकम तोकिएको छ ।
दश वर्षभन्दा कम उमेरका नाबालकका हकमा राहदानी शुल्कमा आधा रकम छुट दिइएको सञ्चारमन्त्री शेरधन राईले जानकारी दिए ।
राहदानी विभागले सेवाग्राहीको आवश्यकता अनुसार एकै दिनमा एमआरपी उपलब्ध गराउने तयारी गरिसकेको छ ।
बढी मूल्य सम्पन्न मानिसले मात्रै तिर्न सक्छन् । विपन्नलाई पनि राहदानीको हातार हुन सक्छ । तर उनीहरुले बढी रकम तिर्न सकेनन भने के गर्ने ? भन्ने प्रश्नमा विभागले सेवाग्राहीबाट बढी शूल्क लिने उद्धेश्य नभइ आवश्यकता सम्बोधन गर्ने प्रयास भनेको छ ।
यससँगै विभागले अब पूरानै शुल्कमा ३ दिनभित्रमा सबै सेवाग्राहीलाई एमआरपी वितरण गर्ने भएको छ । यस्तो सेवा भने विभाग परिसर नारायणहिटीबाट मात्र उपलव्ध गराउने तयारी गरिएको छ ।
Source : www.onlinekhabar.com
Post a Comment